లాస్ ఏంజెల్స్
ఈ ఏడాది ఆస్కార్ అవార్డుల వేడుకలో ‘ఎవ్రీథింగ్ ఎవ్రీవేర్ ఆల్ ఎట్ వన్స్’ చిత్రం అదరగొట్టింది. ఇప్పటికే పలు విభాగాల్లో అవార్డులను దక్కించుకున్న ఈ సినిమా ఈ ఏడాది ఉత్తమ చిత్రం గానూ పురస్కారాన్ని అందుకుంది.
ఉత్తమ నటిగా మిచెల్లీ యోహో కూడా పురస్కారాన్ని దక్కించుకుంది. అంతేకాదు, ఈ సినిమాకు దర్శకత్వం వహించిన డానియల్ క్వాన్, డానియల్ షైనెర్ట్లు ఉత్తమ దర్శకులుగా అవార్డును అందుకున్నారు.
ఉత్తమ నటుడిగా ఆస్కార్ అవార్డును బ్రెండాన్ ఫాసర్ సొంతం చేసుకున్నారు. ది వేల్ చిత్రంలో నటనకు గానూ ఆయనకు ఈ పురస్కారం దక్కింది.
