ఢిల్లీ:
మెగాస్టార్ చిరంజీవి పద్మవిభూషణ్ అవార్డును అందుకున్నారు. రాష్ట్రపతి ద్రౌపతీ ముర్ము చేతుల మీదుగా చిరంజీవి పద్మ విభూషణ్ అవార్డును అందుకున్నారు. కుటుంబ సభ్యులతో కలిసి ఢిల్లీకి వెళ్లిన చిరజీవి ఈ అవార్డు అందుకున్నారు. ఈ కార్యక్రమంలో ప్రధాని నరేంద్ర మోడీతో పాటు అమిత్ షా, చిరంజీవి సతీమణి సురేఖ, నటుడు రామ్ చరణ్, ఉపాసన ఉన్నారు.
అవార్డు తీసుకోవడానికి ముందు చిరంజీవి… ఆయన కోడలు ఉపాసన మధ్య ఆసక్తికర సన్నివేశం చోటు చేసుకుంది. ఇందుకు సంబంధించిన వీడియో నెట్టింట వైరల్‌గా మారింది.
ఈ వీడియో ప్రకారం… చిరంజీవి అవార్డును తీసుకోవడానికి ముందు డ్రెస్సింగ్ రూంలో ఉన్న సమయంలో ఉపాసన అక్కడకు వెళ్లారు. ‘మామయ్యా… మిమ్మల్ని ఒకటి అడుగుతాను, నాలో… క్లీంకారలో ఉన్న కామన్ పాయింట్ ఏమిటి?’ అని ఉపాసన అడిగారు. దానికి చిరంజీవి స్పందిస్తూ… నీకు ప్రతిరూపమంటూ సమాధానం ఇచ్చారు.
‘కాదు, మామయ్యా… కామన్ పాయింట్ ఏమంటే మా ఇద్దరి తాతయ్యలకు పద్మవిభూషణ్ వచ్చింది’ అని ఉపాసన సమాధానం చెబుతారు. దానికి చిరంజీవి స్పందిస్తూ… అవును… వీసీ రెడ్డి గారు, నేను… అవును అని నవ్వేశారు. ఈ వీడియోలో చిరంజీవి, ఉపాసనతో పాటు రామ్ చరణ్ తేజ కూడా ఉన్నారు.
